लघु उद्योगांसाठी शासकीय कर्ज योजना (Government Loan Scheme 2021)

0

भारताच्या एकूण जीडीपी मध्ये जवळपास ४०% सूक्ष्म लघु आणि माध्यम कंपन्यांचे योगदान आहे. या कंपन्यांचे रोजगार निर्माण करण्यात महत्वाचे योगदान आहे. भारतातील बेरोजगार युवांना नवीन उद्योग सुरु करण्यासाठी प्रेरित करण्यासाठी भारत सरकारने एमएसएमई सारखे उपक्रम सुरु केले, भारत सरकारने नवीन उद्योजकांच्या व्यवसायाला तसेच अर्थव्यवस्थेला चालना देण्यासाठी विविध कर्ज योजना सुरु केल्या आहेत. सूक्ष्म लघु आणि मध्यम उपक्रम (एमएसएमई / MSME) उद्योजक त्यांच्या आवश्यकतेनुसार या योजनेद्वारे कर्ज मिळवु शकतात.

Government Loan Scheme 2021

1.  मुद्रा कर्ज योजना (MUDRA Loan):

Mudra Loan

मुद्रा कर्ज योजना भारत सरकारच्या सूक्ष्म उद्योगांना वित्तपुरवठा करण्यासाठी मायक्रो-युनिट डेव्हलपमेन्ट रिफायनान्स एजन्सी (Micro-Units Development and Refinance Agency) स्थापन करण्यात आली आहे. या संस्थेमार्फत मुद्रा लोन मंजुर केले जाते. मुद्रा लोन भारतातील सर्व बँकेतुन मिळते. मुद्रा लोन सूक्ष्म उद्योजकांना भरपुर उपयोगी ठरते.

मुद्रा लोन ची वर्गवारी खालील प्रमाणे आहे.

कर्जाची रक्कम कर्ज श्रेणी
रु. 50,000 पर्यंत शिशु कर्ज (Shishu loan)
50,000 ते 5,00,000 पर्यंत किशोर कर्ज (Kishor loan)
5,00,000 ते 10,00,000 पर्यंत तरुण कर्ज (Tarun loan)

पात्रता (Eligibility criteria):

मालकी, भागीदारी फर्म, प्रायव्हेट लिमिटेड, पब्लिक कंपनी आणि इतर कायदेशीर संस्थांसह सर्व व्यवसाय या योजनेंतर्गत कर्जासाठी अर्ज करण्यास पात्र आहेत.
अधिक माहिती साठी खालील लिंक वर क्लिक करा
https://www.mudra.org.in/

2. एमएसएमई कर्ज योजना (MSME Loan):

भारतातील उद्योगाच्या वाढीस प्रोत्साहित करण्यासाठी, उद्योगांना आर्थिक सहाय्यता देण्यासाठी एमएसएमई कर्ज योजना २०१८ मध्ये सुरु करण्यात आली.या योजनेचा लाभ नवीन तसेच विद्यमान उद्योजक आपल्या उद्योगाच्या वाढीकरिता घेऊ शकतात.
या योजनेअंतर्गत १ कोटी रुपयांपर्यंत कर्ज मिळवता येऊ शकते, या योजनेच्या कर्जाची प्रक्रिया पूर्ण करण्यासाठी साधारणतः ८ ते १० दिवसांचा कालावधी लागतो. या योजनेमध्ये ५९ मिनिटांच्या आत कर्जाची मंजुरी मिळते. त्यामुळे या योजेनला MSME 59 Minutes Loan / PSB 59 Minutes Loan  म्हटले जाते. या लोन चा व्याजदर हा उद्योगाच्या स्वरूपावर अवलंबुन आहे, साधारणतः हा व्याजदर ८. ५% पासुन सुरु होतो.

या योजनेअंतर्गत कर्ज मिळविण्यासाठी खालील कागदपत्रे असणे आवश्यक आहेत:

  • जीएसटी पडताळणी (GST verification)
  • आयकर पडताळणी (Income tax verification)
  • मागील 6 महिन्यांतील बँक खाती स्टेटमेन्ट (Bank account statements for the last 6 months)
  • मालकीशी संबंधित कागदपत्रे (Ownership related documentation)
  • केवायसी तपशील (KYC details)

अधिक माहिती साठी खालील लिंक वर क्लिक करा.

https://msme.gov.in/

3. मायक्रो आणि स्मॉल एंटरप्राइजेस (सीजीएफएमएसई) क्रेडिट गॅरंटी फंड योजना (सीजीएफएमएसई)
Credit Guarantee Fund Scheme Micro and Small Enterprises (CGFMSE):

सीजीएफएमएसई (CGFMSE) हि योजना एमएसएमई (MSME) अंतर्गत येणाऱ्या उद्योगांना विनातारण कर्ज उपलब्ध करून देण्यासाठी भारत सरकारने सुरु केली आहे. या योजनेअंतर्गत नवीन तसेच विद्यमान उद्योगांना क्रेडिट गॅरंटी फंड ट्रस्ट या संस्थेमार्फत विनातारण कर्ज उपलब्ध करून दिले जाते. महिला उद्योजकांना या योजनेमध्ये विशेष प्राधान्य दिले जाते.

पात्रता
किरकोळ व्यापार, शैक्षणिक संस्था, बचत-गट आणि प्रशिक्षण संस्था यासारखे उपक्रम या व्यतिरिक्त जे व्यवसाय सेवा क्षेत्रात आहेत तेदेखील या कर्ज योजनेंतर्गत निधी मिळण्यास पात्र आहेत.

4. राष्ट्रीय लघु उद्योग महामंडळ अनुदान योजना National Small Industries Corporation Subsidy (NSIC):

NSIC

देशातील वित्त, तंत्रज्ञान, बाजार आणि इतर सेवा तसेच एमएसएमईच्या (MSME) वाढीस मदत करण्यासाठी एनएसआयसी (NSIC) हा उपक्रम सुरु करण्यात आला आहे. एनएसआयसी (NSIC) हा उपक्रम आयएसओ प्रमाणित (ISO Certified) असुन एमएसएमईच्या (MSME) वाढीस चालना देण्यासाठी भारत सरकारने दोन योजना सुरू केल्या आहेत, त्या खालीलप्रमाणेः

  • विपणन समर्थन योजना (Marketing Support Scheme):
    सध्याच्या स्पर्धात्मक बाजारपेठेत वाढ होण्यासाठी एमएसएमईंना सहाय्य केले जाणे आवश्यक असल्याने ही योजना महत्त्वपूर्ण आहे. भागीदारी आणि निविदा विपणन यासारख्या योजना आखून कोणत्याही व्यवसायाचा विकास करण्यास ही योजना मदत करते.
  • क्रेडिट समर्थन योजना (Credit Support Scheme):
    एनएसआयसी कच्चा माल खरेदी करण्यासाठी, एमएसएमईला सिंडिकेशनद्वारे विपणनासंदर्भात आणि बँकांना वित्तपुरवठा करण्यासाठी आर्थिक मदतीची तरतूद करते.
    या योजनेचा फायदा हा आहे की तो लघु उद्योजकांकडुन कुठलाही खर्च न घेता निविदांमध्ये प्रवेश प्रदान करतो आणि या योजनेअंतर्गत वित्तीय सहाय्य मिळविण्यासाठी एमएसएमईंना देखील सुरक्षा ठेवी देण्याची गरज नाही.

5. उद्योगिनी योजना (Udyogini):

 

महिला विकास महामंडळाudiyoginiने उद्योगिनी योजना भारत सरकार अंतर्गत सुरु केली आहे. या योजनेचा उद्देश महिला सक्षमीकरण (Women Empowerment) आहे, महिलांना उदयोगासाठी प्रेरित करणे, त्याना उद्योगांकरिता भांडवल उपलब्ध करणे, तसेच नवीन रोजगार निर्माण करण्यासाठी या योजनेची महत्वाची भूमिका आहे. या योजनेंतर्गत दिले जास्तीत जास्त 15,00,000 रु कर्ज मिळु शकते. महिला उद्योजकांनी या योजनेसाठी अर्ज करण्यास पात्र ठरण्यासाठी, महिलेचे वय 18 वर्षापासून ते 55 वर्षांच्या दरम्यान असणे आवश्यक आहे आणि त्या महिलेच्या कुटुंबाचे वार्षिक उत्पन्न रु. 15,00,000.असावे. शारीरिकरित्या अपंग असलेल्या किंवा विधवा स्त्रियांसाठी उत्पन्नाची कोणतीही मर्यादा नाही. या योजनेंतर्गत कर्ज घेण्यासाठी कोणतीही प्रक्रिया शुल्क किंवा तारण आवश्यक नाही.

ज्या महिलांनी या कर्जासाठी अर्ज केले आहेत त्यांना पासपोर्ट आकाराचे छायाचित्रे, जन्म प्रमाणपत्र, दारिद्र्य रेषेखाली असल्याचे कार्ड, आधार कार्ड, जातीचे प्रमाणपत्र, पासबुक किंवा बँक खाते, रेशन कार्ड आणि कर्जाचा लाभ घेण्यासाठी उत्पन्नाचे प्रमाणपत्र द्यावे लागेल. जवळपास 88 प्रकारचे व्यवसाय आहेत ज्यासाठी पात्र महिला कर्ज घेऊ शकतात.

अधिक माहिती साठी क्लिक करा.

6. क्रेडिट लिंक कॅपिटल सबसिडी योजना (Credit Link Capital Subsidy Scheme – CLCSS Scheme):

ही योजना लघु उद्योग मंत्रालय अंतर्गत छोट्या व्यवसायांना तांत्रिक अपग्रेडेशनद्वारे वित्त प्रदान करून त्यांची प्रक्रिया सुधारित करते. तंत्रज्ञानाचे अपग्रेडेशन उत्पादन, विपणन, पुरवठा साखळी इत्यादी असंख्य प्रक्रियांशी संबंधित असू शकते. सीएलसीएसएस (CLCSS) योजनेच्या माध्यमातून सरकार लघु व मध्यम उद्योगांच्या वस्तू व सेवांच्या उत्पादनावरील खर्च कमी करण्याचे लक्ष्य ठेवते, जेणेकरून स्थानिक आणि आंतरराष्ट्रीय बाजारात किंमत प्रतिस्पर्धी राहू शकेल. सीएलसीएसएस (CLCSS) पात्र व्यवसायांसाठी 15% अप-फ्रंट कॅपिटल सबसिडी देते. प्रथम चरणात जास्तीत जास्त रक्कम 15 लाख इतकी ठरविण्यात आली आहे जी या योजनेंतर्गत अनुदान म्हणून मिळू शकेल. एकल मालकी, भागीदारी संस्था, सहकारी, खाजगी आणि सार्वजनिक मर्यादित कंपन्या या व्यवसाय कर्ज योजनेच्या कक्षेत येतात.

वरील माहिती परिपूर्ण असावी याकरिता आम्ही प्रयत्नशील आहोत, ही माहिती आपल्याला उपयोगाची वाटल्यास नक्की शेयर करा.